Екстремно брз десерт кој се подготвува за 10-15 минути, а може многу да ви се најде за ужинка и тоа подолго време затоа што се чува во замрзнувач.
Потребно е само пред да го правите да ги накиснете во вода урмите, сувите кајсии и сувото грозје.
Состојки:
- 100 g лешници
- 100 g непечени индиски ореви
- 100 g овесни снегулки
- 100 g урми /100 g суви кајсии/ 50 g суво грозје – киснати во вода минимум 4 часа
- 2 лажици путер од бадеми од @fit.delights.mk
- малку ванила
- 2-3 лажици џем од сливи без шеќер (може и било каков џем)
- 50-тина g ситно сецкани ореви за одозгора.
Подготовка:
Првин во процесор ставете ги лешниците, индиските ореви и овесните снегулки за убаво да се иситнат, потоа додадете го сувото овошје и путерот од бадеми и мешајте додека смесата не стане густа и леплива.
Кога ќе добиете хомогена смеса, истурете ја во плехче со хартија за печење и убаво натпкајте ја. Одозгора ставете џем и наросете по желба ореви. Ставете во замрзнувач околу 2 часа да се стегне и потоа со нож исечете коцки. Чувајте ги коцките во замрзнувач, пред јадење извадете ги на собна температура само 3-4 минути.
Од оваа количина јас добив околу 16 коцки.
Аеробик и пилатес инструктор, Сопственик на FitLife Fitness Studio, Магистeр по фармација и диететика.